MICROSOFT OFFICE 2010

விண்டோஸ் 7 ஆப்பரேட்டிங் சிஸ்டம் வெளியிட்ட மைக்ரோசாப்டின் மற்றும் ஒரு  வெளியீடுதான் ஆபீஸ் 2010. பல புது புது யுக்திகளோடு கடந்த நவம்பர் 2009ல் மைக்ரோசாப்ட் ஆபீஸ் 2010 பீட்டா பதிப்பை வெளியிட்டது.

இதில் பெருமைப்பட வேண்டிய விஷயம் என்னவென்றால் விண்டோஸ் 7 மற்றும் ஆபீஸ் 2010 தயாரிப்பில் பெருமளவு தமிழர்களையே பயன்படுத்தி இருக்கிறார்கள். காலரை உயர்த்தி கொள்ளுங்கள்.

ஆபீஸ் 2010 புதுசா என்ன இருக்கு ?

ஆபீஸ் 2007 விட பல சிறப்பு தன்மைகள் ஆபீஸ் 2010ல் உள்ளதாக மைக்ரோசாப்ட் தெரிவிக்கிறது

1. திரையை பதிவு செய்யும் வசதி (Built-In Screen Capture)

நாம் பொதுவா ஒரு வெப்சைட்டை முழுவதுமாக ஸ்க்ரோல் பண்ணி பதிவு செய்ய மூன்றாம் தரப்பு   டூல்களையே (Third Party Software) பயன்படுத்தி வந்தோம்.  சான்றாக ஸ்நாகிட் (Snag-it), ஸ்க்ரீன் காப்சர் ப்ரோ (Screen Capture pro), ஐ கு ஸ்க்ரீன் காப்சர் (I Q Screen Capture). ஆனால் ஆபீஸ் 2010 தொகுப்பில் அது இணைக்கப்பட்டுள்ளது. ஸ்க்ரீன் சாட் எடுக்க இது நல்ல கருவியாக செயல்படும்.

2. கண்ட்ரோல் பானல்

ஆபீஸ் தொகுப்புக்கு தனியாக ஒரு கண்ட்ரோல் பானல் உள்ளது, இதன் மூலம் ஆபீஸ் தொகுப்பை  உங்கள் வசதிக்கு தகுந்தவாறு மாற்றிகொள்ளலாம்.

3. பவர்பாய்ன்ட் 2010 - புதிய டெம்ப்ளேட்டுகள்

ஆபீஸ் 2010 - பவர்பாய்ன்ட் பல வடிவமைக்கப்பட்ட டெம்ப்ளேட்டுகள் உள்ளடங்கி உள்ளது,  இதன் மூலம் உங்களுக்க தேவையான  டெம்ப்ளேட் தேர்வு செய்து நீங்கள் விரும்பியவாறு வடிவமைத்துக் கொள்ளலாம்.

4. வடிவமைக்கப்பட்ட பின்புல நிறம்

ஆபீஸ் தொகுப்பில் உள்ள அனைத்து மென்பொருளிலும் பின்புல நிறம் (back ground) மாற்றப்பட்டுள்ளது கிழே உள்ள படத்தை பார்க்கவும்

5. ப்ளாஷ் திரை (Splash screen)

ஆபீஸ் 2010 ல் உள்ள வோர்ட், எக்ஸ்செல் பவர்பாய்ன்ட் ப்ளாஷ் திரை முற்றிலும் புதிய முறையில் வடிவமைக்கப்பட்டுள்ளது.

6.  சோசியல் கனக்டர்

இது இ-மெயில் / எஸ் எம் எஸ் பரிமாற்ற அடிப்படையில் தயாரிக்கப்பட்டுள்ளது. அலுவலகங்களில் அதிகமாக இது உபோயோகப்படும். அலுவலத்தில் பணி புரிபவர்கள் இடையே செய்தி பரிமாற்றத்திற்கு முக்கிய பங்காற்றுகிறது.

7. புதிய திறனுடன் அவுட்லுக் 2010

அவுட்லுக் 2010ல் இப்போது அதிக கொள்ளளவு கொண்ட மின்னஞ்சல்களை சேமித்துக் கொள்ளலாம். நீங்கள் விருப்பட்டால் தற்போது தேவை இல்லாத மின்னஞ்சல்களை சுருக்கி பதிந்து கொள்ளலாம். இந்த வசதி இப்ப அவுட்லுக் 2010ல் உள்ளது

8. மேம்படுத்தப்பட்ட பவர்பாய்ன்ட் 2010

பவர்பாய்ன்ட் 2010 இப்போது நல்ல முறையில் மேம்படுத்தப்பட்டுள்ளது.  முதல் தரமான ப்ரெசென்ட்டேசன் தயாரிக்க, விரும்பிய அனிமேசன் கொடுக்க, ஸ்லைட் அனிமேசன், ஆடியோ, வீடியோ  என பல புதிய அம்சங்கள் சேர்க்கப்பட்டுள்ளது.  

9. தொழில்நுட்ப புரட்சியில் எக்ஸ்செல் 2010

இதில் இல்லாத அம்சங்களே இல்லை என சொல்ல கூடிய அளவுக்கு அனைத்து வகையான சிறப்புயல்புகளும் இப்போது எக்ஸ்செல் 2010ல் உள்ளது. டேட்டாவை கையாள்வதில் இனி எக்ஸ்செல்க்கு நிகர் எக்ஸ்செல் தான்.

10. புதிய வசதிகளோடு வோர்ட் 2010

வோர்ட் 2010ல் பற்பல புதிய வசதிகள் இணைக்கப்பட்டுள்ளது. படங்களை கையாளும் போது பல புதிய அம்சங்கள் சேர்க்கப்பட்டுள்ளது, மேலும் பல விசுவல் எபக்ட் இதில் உள்ளது. பெரிய பைல்களை கையாளும்போது எளிதாக செய்வதற்கான வசதிகளை கொண்டுள்ளது.

இதை தவிர மேலும் பற்பல வசதிகள் ஆபீஸ் 2010ல் இருக்கின்றது. சான்றாக இதில் இன்டர்நெட்டில் திறம்பட பணிபுரிய பல வசதிகள் உள்ளது மற்றும் இதன்மூலம் மொபைல் போனை கையாளலாம்.

ஆபீஸ் 2010 ஆறு வகைகளில் வெளிவந்து இருக்கிறது அவை ஆரம்ப நிலையில் உள்ளவர்களுக்கு, மாணவர்கள் மற்றும் வீட்டு உபயோகத்திற்கு, பிசினெஸ் பதிப்பு, ஸ்டாண்டர்ட் பதிப்பு, ப்ரோபோசனால் மற்றும் ப்ரோபோசனால் பிளஸ்

ஆபீஸ் 2010 Home தொகுப்பினை டவுன்லோட் செய்ய இங்கே செல்லவும்          

ஆபீஸ் 2010 பயன்படுத்த:  500Mz ப்ரோசெசார் அல்லது அதற்க்கு மேல், ராம் 250MB

அல்லது அதற்கு மேல், வன்தட்டில் 1.5 GB இடம் அல்லது அதற்க்கு மேல், மற்றும் விண்டோஸ் XP SP3 அல்லது விஸ்டா  அல்லது விண்டோஸ் 7    

 மேலும் அதிக தகவல்களுக்கு இங்கே கிளிக் செய்யவும்.  

2010 ஒரு அலசல்

2010 தொழில்நுட்ப உலகம்: ஒரு மீள்பார்வை

2010 ஆம் ஆண்டிற்கு விடைகொடுக்கும் தருவாயில் இன்றைய எமது செய்தியானது தொழிநுட்ப உலகில் இவ்வருடத்தில் நிகழ்ந்த முக்கிய சில விடயங்களை நினைவுபடுத்தவுள்ளது.

இவற்றில் அதிகமான செய்திகளை நாம் உங்களுக்கு ஏற்கனவே வழங்கியுள்ள போதிலும் அவற்றை மீண்டும் திரும்பிப்பார்ப்போம்.

மொபைல் தொழிநுட்பம் (Mobile Technology)

1) எச்.டி.சி இவோ 4 ஜி

பிரபல எச்.டி.சி நிறுவனம் உலகின் முதலாவது வை-மெக்ஸ் தொழிநுட்பத்துடன் கூடிய இவோ 4 ஜி அதாவது நான்காவது தலைமுறை வலையமைப்பு கையடக்கத்தொலைபேசியினை அறிமுகப்படுத்தியது.

2) அண்ட்ரோயிட் இயக்குதளம்

கூகுளின் அண்ரோயிட் இயக்குதளமானது உலகளாவிய ரீதியில் பெரும் வரவேற்பைப் பெற்றது. அப்பிள் கையடக்கத்தொலைபேசிகளின் விற்பனையை முதல் முறையாக அண்ரோயிட் தொலைபேசிகள் முறியடித்தன.

3) அப்பிளின் ஐ-போன் 4 ஜி மற்றும் ஐ-பேட்

அப்பிள் தனது ஐ-போன் வரிசையில் ஐ-போன் 4 ஜி யை அறிமுகப்படுத்தியது. சில நாட்களிலேயே அதன் அண்டனாவில் காணப்பட்ட கோளாறுகள் காரணமாக பெரிதும் விமர்சிக்கப்பட்டமை குறிப்பிடத்தக்கதாகும். மற்றும் ஐபேட் எனும் சாதனத்தினையும் அறிமுகப்படுத்தியது.

4) கலெக்சி டெப்

கையடக்கத்தொலைபேசி உலகில் இது ஒரு மைல்கல் எனலாம். காரணம் இது ஒரு சிறிய கணனி மற்றும் கைப்பேசியின் இணைப்பாகும். சுமார் 7 அங்குல திரையைக் கொண்டதாகும்.

இவற்றைத்தவிர நொக்கியாவின் பெரிதும் எதிர்ப்பார்க்கப்பட்ட என் 8 (N8), டெல்லின் ஸ்ரைக் (Dell Streak), எல்.ஜியின் ஒப்டிமஸ்(Optimus ), சொனி எரிக்சனின் எக்ஸ்பீரியா(Xperia), விவாஸ்(Vivaz) தொடர் கையடக்கத்தொலைபேசிகள் மோட்டரோல்லாவின் மைல்ஸ்டோன்(Milestone), மைல்ஸ்டோன், ட்ரொயிட்(Droid) பேசிகள் ஆகியன பெரிதும் பேசப்பட்ட வகைகளாகும்.

சமூகவலையமைப்புக்கள் (Social Networking)

1) பேஸ்புக்

பேஸ்புக் தனது 500 மில்லியன் பாவனையாளர் என்ற மைல்கல்லினை எட்டியது இவ்வருடத்திலேயாகும்.

2) டுவிட்டர்

இவ்வருடத்தில் மைக்ரோ புளகிங் தளமான டுவிட்டர் 200 மில்லியன் பாவனையாளர்கள் என்ற இலக்கினை எட்டியது.

3) டயஸ்போரா மற்றும் கூகுள் +1

பேஸ்புக்கிற்கு போட்டியாக வரக்கூடும் என எதிர்பார்க்கப்பட்ட இரண்டு தளங்களும் இதுவரை வெளியாகவில்லை.

எனினும் செய்திகள் வெளியாகிய வண்ணமே உள்ளன.

4) பேஸ்புக் - ஸ்கைப் இணைவு

பேஸ்புக் மற்றும் ஸ்கைப் ஆகியன ஒன்றாக இணைந்ததும் இவ்வருடத்திலேயாகும்.

கூகுள்

1) கூகுள் தானியங்கிக் கார்

கூகுள் முதன்முறையாக தனது தானியங்கிக் காரை பரீட்சித்துப் பார்த்து அதில் வெற்றியும் பெற்றது.

2) கூகுளின் 'குரோம் நெட்புக்'

கூகுள் தனது குரோம் இயங்குதளத்தை ( Chrome Operating System ) கொண்டியங்கும் நெட்புக் கணனிகள் தொடர்பான அறிவிப்பை மேற்கொண்டது.

இவற்றைத்தவிர முக்கிய விடயங்களாக,

1) ஈரானை உலுக்கிய ' ஸ்டக்ஸ்னெட்' வைரஸ்

அதி மேம்பட்ட வைரஸாக இது கருதப்படுகின்றது. ஈரானின் அணு உலைகளில் செயற்பட்டு வரும் கணனிகளைத் தாக்கவே இது ஏவப்பட்டிருக்கலாம் என கருதப்படுகின்றது.

2) சீனாவின் அதிவேக சுப்பர் கணனி

டியானி (Tianhe) - 1 A என்ற அதிவேக கணனியை இவ்வருடத்தில் சீனா மீள் அறிமுகம் செய்தது.

இதன் வேகம் 2.507 பீடாபுலொப்ஸ் (Petaflops). அதாவது ஒரு செக்கனில் 2,507 ட்ரில்லியன் கணிப்புகளை மேற்கொள்ளக்கூடியதாகும்.

3) பிளக்பெரிக்குத் தடை

சவூதி உட்பட சில நாடுகள் பிளக்பெரிக்கு தடை விதிப்பதாக அறிவித்திருந்தன . இதன் சிக்கலான என்கிரிப்ஷன்களே இதற்கான காரணம் எனக் கூறப்பட்டது. எனினும் பின்னர் இத்தடை அறிவிப்பு விலக்கிக்கொள்ளப்பட்டது.

மேற்சொன்ன தகவல்கள் தோழி பிரஷாவின் தகவல் தொழில் நுட்ப செய்திகள் பதிவிலிருந்து .....


வேறு சில செய்திகள் : கீழே இருக்கும் கானோளிகளில் கிளிக் செய்யவும். 

7 Billion...Huge Number

SUN TV Sirappu Kannottam 2010